Þjálfarar & Starfsfólk

Arndís Guðmundsdóttir

 

Arndís byrjaði að læra fimleika og jazzballett hjá Hafdísi Árnadóttur 9 ára gömul. Ári síðar hóf hún nám hjá Jazzballettskóla Báru. Allar götur síðan hefur dans og hreyfing verið hluti af hennar lífi. Var í fjölda nemendasýninga og  verkum sem sett hafa verið upp á vegum JSB. Æfði og dansaði með dansflokk JSB og byrjaði að kenna 18 ára gömul. Arndís hefur kennt hjá JSB með hléum í u.þ.b. 30 ár.

Arndís hefur víða búið og starfað, meðal annars í Finnlandi, Svíþjóð og Noregi. Hún sótti tíma í Dans Theatre Production í New Haven í Bandaríkjunum eftir að hafa þreytt hæfnispróf og æfði nútímajazz í Raatikon Tanssikoulu í Finnlandi. Lærði Pílates hjá Jóhanni Frey Björgvinssyni dansara og í Noregi. Arndís hefur sótt námskeið í power yoga/ashtanga vinyasa yoga í gegnum árin á Íslandi og í Noregi. Kenndi Pilates og Yoga í Telemark, hjá Maxima helse í Bø og Yoga Grenland í Skien og Porsgrunn. Hún hefur lokið Yin Fascial Yoga kennaranámi. Þá er hún einnig með VI. stig í píanóleik frá Nýja tónlistarskólanum.

Arndís er menntuð mannfræðingur og kynjafræðingur frá Háskóla Íslands og lærði uppeldisfræði við Gautaborgarháskóla. Hefur starfað að kynningar- og fræðslumálum í tæp tuttugu ár. Arndís hefur unnið sem aðstoðarmaður forstjóra Isavia, forstöðumaður Þekkingarmiðstöðvar Sjálfsbjargar lsh, lektor við Bø vidaregående skole i Telemark, fræðslufulltrúi Íslandspósts, kynningar- og félagsmálafulltrúi Sjálfsbjargar lsf, fræðslufulltrúi Krabbameinsfélags Reykjavíkur og kennari við Laugalandsskóla í Holtum. Vann hún einnig við sumarafleysingar í Norræna fjárfestingarbankanum í Finnlandi.

ToppForm salur 1, Yoga-salur 4